Жаңалықтарды Telegram арнамыздан оқыңыз!
Шымкентте гастрольде жүрген Астана цирк ұжымының түйесі боталап, пониі құлындады, деп хабарлайды otyrar.kz.
Мамандар түйе мен ботаның жағдайы қалыпты дейді. Алғашында түйенің жүктілігіне күмәнмен қараған олар ботаның оңтүстікте дүниеге келгенін жақсылыққа балауда.
«Біз түйенің боталауынан үмітімізді үзген болатынбыз. «Жалған жүктілік болған ғой» деп жүрдік. Оңтүстіктің топырағына келіп, түйеміз 13 наурыз күні түнгі сағат 00:00 шамасында боталады. Ботаның атын Сәуле деп қойдық», - дейді Астана циркінің әртісі Әйгерім Тілегенова.
Кеше ғана төлдеген жануарлар бағдарламаға сәйкес өнер көрсетуде.
Айта кетейік, «Оңтүстік циркте» басталған «Таңғажайып керуен» қойылымы 29 наурызға дейін жалғасады.
