Жаңалықтарды Telegram арнамыздан оқыңыз!«Баламен бетпе-бет» - көрермен көңілінен шыққан кең аудиториялы тележоба. «Қазақстан» Ұлттық телеарнасы мен «Балапан» телеарналарының көрермендері жоғары баға берген аталмыш бағдарламаның жаңа маусымда жаңа форматта шығуы – заңдылық.
Жаңа теле-маусым таяуда көрерменге жол тартады. Бұл жобаның мақсаты – кішкентай көрермендер мен олардың ата-аналарына сүйікті бағдарламаларын жаңа бағытта ұсыну.
Бағдарламаның негізгі бөлігі жүргізуші мен кішкентай қонақтардың диалогынан тұрады. Әр бағдарламада төрт баламен сұхбат жүреді. Балалар әртүрлі сұраққа алма-кезек жауап беріп, ойларымен бөліседі.
