Жаңалықтарды Telegram арнамыздан оқыңыз!Дүниежүзілік бокс сериясына (WSB) қатысып жатқан «Астана арландары» өз елімізде польшалық «Rafako Hussars Poland» клубын қабылдап, айқын басымдықпен жеңіске жетті. Қорытынды есеп – 5:0. Арландардың пайдасына.
49 келідегі Жомарт Ержан, 56 келідегі Мейірболат Тоитов пен 75 келідегі Мейірім Нұрсұлтанов қарсыластарын ұпай саны бойынша жеңген болса, 64 келідегі Самат Бәшенов пен 91 келідегі Василий Левит қарсыластарын техникалық нокаутпен ұтты.
Тоғызыншы турдан кейін «Астана арландары» 27 ұпаймен «В» тобында жекедара көш бастады.
«Астана арландары» келесі жекпе-жегін Шымкент қаласында әзірбайжандық «Вaku Fires» клубына қарсы өткізеді. Кездесу 21 наурыз күніне жоспарланған.
