Астанада «Атамды мақтан тұтамын!» акциясы өтеді

Астанадағы кітапханаларда Жеңістің 70 жылдығына орай «Атамды мақтан тұтамын!» атты акция өтеді. Шара аясында кітап көрмелері, зияткерлік ойындар ұйымдастырылады, деп хабарлайды astana.gov.kz сайты.

Бүгінде атаулы күнге орай «Халықтың ұмытылмас ерлігі» атты иллюстрациялық кітап көрмесі ашылды.

Ал, №8 балалар кітапханасының қызметкерлері оқырмандар арасында соғыс тақырыбына арналған үздік шығармалар сайысын жариялады. Сайыс сәуір айына дейін жалғасады.

Айта кетейік, Астана қаласында 23 қалалық кітапхана жұмыс істейді. Олардың 16-сы - бұқаралық, алтауы - балалар кітапханасы және біреуі көзі көрмейтін, нашар көретін жандарға арналған кітапхана.