Ұлттық өндіріс. Күкірт қышқылын шығаратын зауыт

Күкірт қышқылы — химиялық өндірісте қолданылатын негізгі өнім. Басқа қышқылдармен салыстырғанда, химия өнеркәсібінде кең көлемде қолданылуына орай күкірт қышқылы бірінші орында тұр.

Ол бейорганикалық қьшқылдарды және минералдық тыңайтқыштарды алуда кеңінен пайдаланылады. Металлургияда түсті металдар алу үшін, мұнай өңдеуде түрлі өнімдерді тазартуға, қопарылғыш заттар, жасанды талшықтар, бояулар, дәрі-дәрмектер, парфюмерия өндіруде, тері илеуде және пластмассаны синтездеуде алатын күкірт қышқылының алар орны ерекше.

Мұндай өндірістің ел экономикасына әкелер пайдасы да орасан. Бүгін 19.10-да «Индустрияландыру: Ұлттық өндіріс» хабарынан күкірт қышқылын шығаратын зауыттың тыныс-тіршілігімен таныса аласыздар.