![Қазақстандық делегация Берлиндегі Дүниежүзілік азық-түлік және ауыл шаруашылығы форумына қатысты](https://cdn.qazaqstan.tv/old/articles/4/article_45385.jpg?w=928&h=522&format=jpg&resize=aspectfill&g=center)
Ауыл шаруашылығы министрінің орынбасары Сапархан Омаровтың жетекшілігімен Қазақстанның үкіметтік делегациясы Германия астанасы Берлинге жұмыс сапарымен барды. Олар «Жасыл апта» халықаралық жәрмеңкесі шеңберінде өтетін дәстүрлі Дүниежүзілік азық-түлік және ауыл шаруашылығы форумына қатысты. Бұл туралы Сыртқы істер министрлігінің ресми сайты хабарлайды.
Форумда азық-түлік, тағам өндірісі, ауыл шаруашылығы, агроөнеркәсіптің даму секторларының қауіпсіздігіне қатысты мәселелер талқыланды.
Қазақстандық делегация Берлинге сапарында Германияның азық-түлік және ауыл шаруашылығы министрлігінің үкіметтік статс-хатшысы Роберт Клоспен, Моңғолияның ауыл шаруашылығы министрі Радиа Бурмаамен кездесті. Сонымен қатар, «GWE-Group», «CLAAS» неміс компанияларының басшыларымен ынтымақтастықты тереңдету мәселелері бойынша келіссөздер жүргізді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қазақстандық делегация Берлиндегі Дүниежүзілік азық-түлік және ауыл шаруашылығы форумына қатысты&mh_tags=Qazaqstan&mh_page=https://qazaqstan.tv/news/95069/)