Жаңалықтарды Telegram арнамыздан оқыңыз!Ұлттық арнаның «Шын жүректен!» реалити-шоуы 19 жастағы паралимпиадалық спортшы, суға жүзуден спорт шебері Нұргелді Исламовқа қуаныш сыйлайды!
Нұргелді Исламов - болашақ тіс дәрігері. Өзі білім алып жатқан республикалық медициналық колледждің Көңілділер мен тапқырлар клубында өнер көрсетеді.
Бос уақытында велосипед тебуді, ән шығарып, домбыра тартқанды ұнатады.
Жоба барысында Нұргелді метрода әйгілі жаңажылдық әуенді орындайды. Сонымен қатар, рэп стилінде өлең оқып шығады.
Спортшыға дайындалған тосынсыйдың тағы бірі - бассейн түбіне орнатылған шырша.
Бағдарлама соңында кейіпкер қандай сыйлыққа ие болмақ? Бүгін, 21.50-де Ұлттық арнадан тамашалай аласыздар.
