Жаңалықтарды Telegram арнамыздан оқыңыз!Қаңтар айынан бастап Ақтөбе облысында электр энергиясының тарифы өткен жылдың осы кезеңімен салыстырғанда 8,4 пайызға өсті. Бұл туралы aktobegazeti.kz сайты жазады.
Ақтөбе облысы бойынша электр энергиясы тарифтері мынадай:
- тұрғындар тобындағы тұтынушылар үшін орташа тариф – 10,17 теңге (кВт/сағат), ҚҚС-мен (өсім 5 пайыз);
- қалған тұтынушылар үшін орташа тариф -17,00 теңге (кВт/сағат), ҚҚС-сыз (өсім 9,9 пайыз).
Жалғыз тұратын зейнеткерлер, ІІ Дүниежүзілік соғысына қатысушылар, мүгедектер және соларға теңестірілген тұлғалар үшін электр энергиясының тұтыным көлемі екі деңгей бойынша бекітілген.
1 қаңтардан бастап тұрмыстық тұтынушылармен есептесу барысында қолданылатын тұтыным көлеміне байланысты сараланған үш деңгейлік тарифтер белгіленген. Мұнда электр плиталарын қолданатын және қолданбайтын тұтынушылар үшін ең төменгі деңгей 1 кВт-сағат үшін тиісінше 9,53 және 9,62 теңгені құрайды.
Сондай-ақ, көп мөлшерлемелі есептеу құралын орнатқан электр энергиясының тұрмыстық тұтынушылары (тұрғындар, елді мекендер, саяжайлар, бау-бақшалар) тәулік аймақтары бойынша сараланған тарифтерге сәйкес есептесе алады, онда түнгі тариф мөлшерлемесі кВт-сағат үшін 3,32 теңгені, ал күндізгі баға 13,48 теңгені құрайды.
