2015 жылы Алматыда тегін автобустар қатынайды

Бұл туралы жоба авторы Жәнібек Құттыбек мәлімдеді, деп хабарлайды tengrinews.kz. Қоғамдық көлік Алматының үш негізгі көшесінде (Абай, Райымбек даңғылдары және Төле би көшесінің бойымен) жүрмек.

Қоғамдық көліктің салонында қайырымдылық ретінде ақша жиналатын валидаторлар орнатылады, бірақ жиналған ақша қайырымдылық ұйымдарына жіберіледі. Тегін автобустар экологиялық таза жанармаймен жүреді.

Жоба авторының айтуынша, бұл - әлеуметтік жоба, ол зейнеткерлердің, жұмыссыздардың және студенттердің шығынын азайтуға бағытталған.

Жобаны жеке инвесторлар мен меценаттар қаржыландырмақ. Автобустар жаңашыл сәнмен безендіріліп, жарнама алаңына айналады.