Жаңалықтарды Telegram арнамыздан оқыңыз!Жетiсу ғана емес, Алтай, Ертiс, Тарбағатай, Iле өңiрiне де кең тамырын жайған күйшi, ұлы мектептiң басында тұрған iрi тұлғалардың бiрi Қожеке Назарұлы 1823 жылы жер жаннаты Жетiсудың төрi – Қарқара жайлауында дүниеге келген. Қожеке күйлерінің көбі өмірбаяндық негізде шығарылған. Осы орайдан оның тұрғысы Құрманғазының тағдыры мен шығармашылығын елестетеді.
Қожеке күйiнiң ұзын саны 200-ден асады. Олардың тақырыптық, мазмұндық ерекшелiктерiне қарай бiрнеше топқа бөлуге болады:
Тарихи оқиғаларға қатысты (автобиографиялық) күйлерi: «Қолға алынар алдында», «Кертолғау», «Түрмеде қинау», «Қинау», «Шалқайма», «Арман», «Тарту» т.б.
Салт-дәстүр шеңберінде туған күйлер: «Арыздасу», «Естірту», «Тоқтарым», «Арман», «Нұрқаны жоқтау», т.б.
Табиғат тыныс-тiршiлiгiне қатысты күйлерi: «Сайрамкөл», «Бұлбұл торғай», «Нұрғазарын бұлбұл», «Сарбарпы бұлбұл» т.б.
Ежелгi жыр, аңыз, шежiре, ертегi сюжетiмен құрылған күйлерi: «Мұңлық–Зарлық», «Қамбархан», «Жиренше», «Жиреншенiң Қарашашты жоқтауы», т.б.
Қожеке Назарұлының шығармашылығы туралы толығырақ бүгін 13.30-да «Телқоңыр» бағдарламасынан біле аласыздар.
