«Қазақтың көшпелілік мәдениеті» атты фотоальбом жарық көрді - «Qazaqstan» Ұлттық телеарнасы

«Қазақтың көшпелілік мәдениеті» атты фотоальбом жарық көрді

21.10.2014
«Қазақтың көшпелілік мәдениеті» атты фотоальбом жарық көрді

Атажұртқа Қытай елінен оралған Асылхан Бәген қазақтың салт-дәстүрі мен әдет-ғұрпы турасында алты бірдей фотоальбом жарыққа шығарған фотограф.  Таяуда «Қазақтың көшпелілік мәдениеті» атты тағы бір көлемді еңбегі жарық көрді.

«Асылханды мен бұрын білмейтін едім. Ол – үлкен кәсіпқой, мықты фотожурналист екен. Көшпелілер мәдениеті туралы атамекенде тұрып біз ойланбаппыз»,-дейді ардагер фотожурналист Нұрғожа Жұбанов.

Ал, әріптесі Нұрманбет Қизатұлы: «Бұл – көзге көрінгенді тізіп, жинақ шығарып қана  қойған жоқ, ол – қазақтың салт-дәстүріне соншалықты ғашық екенін дәлелдей білген. Сурет  дегеннің де киесі бар. Оның да адамға әсері болады. Сол жағынан ол дәлелдей алған»,-дейді.

«Фотоальбомға Қытай жеріндегі қазақтардың тұрмыс-тіршілігі мен осы Қазақ жеріндеі дәстүр көріністері енген. Кейбір материал Моңғолияның баспаларынан алынды. Сондай-ақ, Германия, Франция, Түркия жеріндегі көшпелілер туралы материалдар енгізілді. Қолымнан келгенше, әлем елдеріндегі көшпелілер тарихына қатысты дүниелерге  таныстарым  арқылы қол жеткіздім. Қазақстанның, Қытайдың фотографтарының еңбектері де осы кітаптың ішінде бар»,-дейді Асылхан Бәген.

Толығырақ «Таңшолпаннан» көріңіз.

Хабарламаларға жазылу