Алматы облысында шифер өндірісі іске қосылды

Алматы облысы Қаратал ауданында жаңа заманғы шифер өндірісі іске қосылды.

Жоба  авторы кәсіпкер Көмек Рақымжанов 2014 жылдың мамыр айынан бастап, құрылыс материалдарын өндіруді қолға алды. Дайын өнім экологиялық таза, қоршаған ортаға зиянсыз, температура ауытқуын қабылдайды, соққыға төзімді. Өнімді бірнеше түспен шығару жоспарда бар.  

Айта кетерлігі, шифердің негізгі материалы күріш қауызы мен сабан, сондықтан да өндіріс ауылдық жерде ашылды. Оның маңайында күрішті өңдейтін фермерлік шаруашылықтар бар.

Жоспар бойынша, аталмыш өндіріс бағыты тәулігіне 1000 шаршы метр шатыр материалын шығарады. Әзірше жұмысқа 15 адам жұмылдырылып отыр. Болашақта олардың саны 40 адамға жетпек.