Жаңалықтарды Telegram арнамыздан оқыңыз!Астанада Қарттар күні қарсаңында 51 879 зейнеткер жергілікті бюджеттен бірреттік қаржылай сыйақы алады. Бұл туралы Астана қаласы әкімдігінің баспасөз қызметі хабарлады.
Сондай-ақ, Есіл ауданының 40 зейнеткері, Алматы және Сарыарқа аудандарының 800 зейнеткеріне қажетті заттар үлестірілмек.
Бұл күндері Астанада ардагерлерге, тыл еңбеккерлеріне, 680 қала зейнеткерлеріне арналған қайырымдылық түскі астары беріледі. Бұдан бөлек, 20 аз қамтылған зейнеткерге отын таратылады.
Қарттар күні қарсаңында Астананың барлық мекемесі бұрын қызмет еткен ардагерлеріне құрмет көрсетеді. Қала дүкендерінде қарттарға арналған жеңілдіктер қарастырылған.
