ШҚО-да туризм күнін мерекелеуге 8 елдің компаниялары қатысты

ШҚО-да халықаралық туризм күнін мерекелеу барысында облыстың туристік әлеуеті таныстырылды.

Шараға Түркия,Филиппин,Ұлыбритания, ОАР, АҚШ, Швейцария сондай-ақ, РФ пен ҚХР туристік компаниялары қатысты, деп хабарлайды strategy2050.kz

«Шығыс Қазақстан табиғи ландшафтық әсемдігімен  ерекшеленеді. Бұл жергілікті халықты қуантатын біздің ортақ мақтанышымыз», - деді ШҚО әкімінің орынбасары Нұрымбет Сақтағанов.

Н.Сақтағановтың айтуынша, ШҚО-да облыс пен Еурокомиссия арасында түзілген меморандум бойынша, ауылдық туризмді дамыту бойынша ірі жоба жүзеге асырылуда.

Жобаны Еуропалық кеңес қаржыландыруда, ол Катонқарағай, Күршім аудандары және Риддер қаласында жүзеге асырылуда.

Шара барысында облыстың үздік туристік ұйымдары марапатталды.