Жаңалықтарды Telegram арнамыздан оқыңыз!22 қарашада Таразда Балуан Шолақтың 150 жылдығына арналған қазақ күресінен ІІ «Еуразия Барысы» халықаралық турнирі өтеді. Бұл туралы бүгін Астанадағы баспасөз мәслихатында ҚР Мәдениет және спорт вице-министрі Тастанбек Есентаев мәлімдеді, ҚазАқпарат.
Турнирге Қазақстан, Қытай, Әзірбайжан, Грузия, Польша, Моңғолия, Тәжікстан, Ресей, Түркия, Украина, Өзбекстан және Қырғыз Республикасының құрамалары қатысады.
Бес салмақ дәрежесі бойынша командалық сайыс түрінде өтетін турнирдің жалпы жүлде қоры - 100 мың АҚШ доллары.
Жобаны «Қазақстан Барысы» қазақ күресін дамыту қоры, ҚР Қазақ күресі федерациясы, Жамбыл облысының әкімдігі ұйымдастырмақ.
