Жаңалықтарды Telegram арнамыздан оқыңыз!Алматы The Global Financial Centres Index (GFCI) рейтингі бойынша 15 сатыға көтерілді. Бүгінде қала 83 халықаралық қаржылық орталықтың ішінде 43-ші орында. Бұл туралы Алматы қаласы әкімінің баспасөз қызметі хабарлады.
Шығыс Еуропа – Орталық Азия аймағында Алматы Стамбулдан кейін екінші орынды алады. Одан кейін Прага, Варшава, Санкт-Петербург, Будапешт, Мәскеу, Таллин және Афины.
Жаһандық қаржылық орталығы индексіне Алматы алғаш рет 2014 жылдың наурыз айында тіркелген. Ол кезде қала 83 елдің ішінде 58-ші орында тұрған. Ал Азия елдері бойынша 13-ші орында еді.
Қаржылық орталықтардың рейтингі «Z/Yen Group Limited» компаниясы құрған әдістеме бойынша анықталады. Бұл жұмыспен әлемнің 300-ден астам арнайы маманы айналысады.
Қаржылық орталықтарды бағалауда мамандар адами фактор, бизнес-орта, нарыққа қолжетімділік, инфрақұрылым және жалпы бәсекеге қабілеттілікке қарайды.
Фото: forum.autoatlas.kz
