Жаңалықтарды Telegram арнамыздан оқыңыз!Бүгін Павлодар қаласында қазақтың көрнекті жазушысы, драматург, публицист, қазақ әдебиетін қалыптастырушылардың бірі Жүсіпбек Аймауытовтың ескерткіші ашылды.
Алаш зиялысының 125 жылдығын атап өту аясындағы салтанатты шара бүгін Жүсіпбек Аймауытов атындағы қазақ музыкалы драма театрының алдында өтті.
Мүсіннің биіктігі 3,6 метрді құрайды. Ал тұғырымен бірге биіктігі - 7,6 метр. Жүсіпбек Аймауытовтың ескерткіші қоладан құйылған, тұғыры қою қара түсті жылтыр граниттен соғылған.
Шараға зиялы қауым өкілдері және облыс әкімі Қанат Бозымбаев қатысты.
