Татарстан делегациясы Астанаға келді - «Qazaqstan» Ұлттық телеарнасы

Татарстан делегациясы Астанаға келді

19.09.2014
Татарстан делегациясы Астанаға келді

Татарстанның билік басшылары бастаған ресми тұлғалар, іскерлік және білім беру саласы мамандары мен мәдениет өкілдері татар халқының мәдениеті мен салт-дәстүрімен таныстырып, Сабантой мерекесін өткізу үшін Астанаға келді, деп astana.gov.kz сайты хабарлайды.

Сондай-ақ, Татарстаннан 50-ге жуық бизнес делегация келді. Олар Астананың өнеркәсіп, машина құрылысы, тікұшақ құрылысы, ауыл шаруашылығы мен мұнай саласындағы іскер азаматтармен бірқатар кездесу өткізеді.

Айта кететін болсақ, биыл - «Таң» татар-башқұрт орталығына 20 жыл. Астанада тұратын татар ұлтының өкілдері осы орталыққа жиналып, жастардың көбі жексенбілік мектептен дәріс алып, салт-дәстүрді үйренеді

 «Сабантой» мерекесіне дайындық елордада екі апта бұрын басталған.

Қазір «Хан шатыр» сауда орталығы жанындағы алаңда 100-ге жуық адам жұмыс істеп, мерекеге арнайы ауыл тұрғызып жатыр. Мұнда көрме мен концерттік бағдарламадан бөлек 20 метрлік бағана тұрғызылып, татар халқының ұлттық ойындары ойналады, спорттық сайыстар да өтеді.  

Хабарламаларға жазылу