2016 жылғы Рио-де-Жанейро Олимпиадасының ең қымбат билет құны анықталды

2016 жылдың 5-21 тамызы аралығында өтетін Жазғы Рио-де-Жанейро Олимпиадасының билеттер құны жарияланды.

Ең қымбат  баға ашылу салтанатына  арналған билеттерге белгіленді. Ол  4600 реалды (2 мың АҚШ доллары) құрайды.

«Маракана» стадионында өтетін ашылу салтанатына кірудің ең арзан құны 200 реал (87 АҚШ доллары). 

Жазғы Ойындарды Ұйымдастыру комитетінің мәліметінше, барлығы 7,5 миллион билет сатылымға түспек.

2016 жылдың қаңтар айында дейін сатылмаған билеттер ғаламторда еркін түрде саудаланатын болады.  

Сурет: itar-tass.com