Қазақстан құрылыс материалдарын Түркіменстанға жеткізеді

Түркіменстандағы ірі нысандардың құрылысына қазақстандық құрылыс материалдары қолданылуы мүмкін. Қазақстандық өндірушілер өз өнімдерін Ашхабад қаласында өткен «Түркімен құрылысы – 2014» көрмесінде ұсынды.

Ұлттық стендте қазақстандық 10 үздік құрылыс материалдарын өндірушілердің өнімдері қойылды. Бұл шара отандық өнімінің экспортқа шығуына мүмкіндік бермек.

2013 жылы екі ел арасындағы тауар айналымы 393 миллион долларды құраған. 2012 жылғымен салыстырғанда 26 пайызға өскен.

2013 жылы Қазақстан Түркіменстан нарығына 175,4 миллион теңге тауарын экспорттаған. Бұл 2012 жылғымен салыстырғанда 35 пайызға жоғары.