Парламенттің төртінші сессиясы ресми түрде ашылды

Бүгін ҚР  Парламенті палаталарының бірлескен отырысында бесінші сайланған Парламенттің төртінші сессиясы ресми түрде ашылды. Сессияның ашылу рәсіміне Елбасы Нұрсұлтан Назарбаев қатысуда, деп хабарлайды ҚазАқпарат.

Отырысқа Сенаттың барлық 47 депутаты,  Мәжілістің барлық 107  депутаты, ҚР Үкімет мүшелері, Жоғарғы сот, Конституциялық кеңесі, Орталық сайлау комиссиясы төрағалары, ҚР Президентіне тікелей бағынатын және есеп беретін мемлекеттік органдардың, ұлттық басқарушы компаниялардың басшылары қатысуда.

Еске сала  кетейік, ҚР Конституциясына сәйкес Парламент сессиясын Мемлекет басшысы ашады.