Жаңалықтарды Telegram арнамыздан оқыңыз!«ҚР Ұлттық экономика министрі Ерболат Досаев ұжымға Табиғи монополияларды реттеу және бәсекелестікті қорғау комитеті басшылығын таныстырды. Комитет төрағасы осыған дейін ҚР Өңірлік даму министрінің орынбасары қызметін атқарған Серік Жұманғарин болып тағайындалды»,-делінген хабарламада.
Министрдің айтуынша, комитет алдында екі негізгі міндет тұр. «Олар - заңнамалық жұмыс және интеграциялық үрдістер аясында бәсекелестікті қорғау».
Ал комитет төрағасының орынбасары - Арыстан Қабыкенов. Ол осыған дейін ҚР Өңірлік даму министрлігінің жауапты хатшысы қызметін атқарған.
Сондай-ақ, комитет төрағасының тағы бір орынбасары бұған дейін ҚР Экономика және бюджеттік жоспарлау министрлігінің Табиғи монополияларды реттеу және бәсекелестікті қорғау департаментінің директоры болған - Азамат Майтиев.
Комитет төрағасының орынбасары - Әлия Жұмабаева, осыған дейін «Қазақстан темір жолы» ҰК АҚ Интеграциялық саясат департаментінің директоры болған.
Комитет төрағасының орынбасары - Рүстем Ахметов, осыған дейін ҚР Табиғи монополияларды реттеу агенттігінің жауапты хатшысы қызметін атқарған.
