Қазақстан құрамасы ФИФА рейтингінде 4 саты төмен сырғыды

ФИФА тамыз айындағы Ұлттық құрамалардың рейтингісін жариялады.  Қазақстан Ұлттық құрамасы бұл айдағы рейтингте  4 орын төмен сырғыған.

Юрий Красножан баптайтын Ұлттық құрама 12-ші тамыз күні Тәжікстан құрамасымен жолдастық кездесу өткізіп, жеңіске жеткенімен ФИФА рейтингінде жоғары орынға көтеріле алмады. Өткен айда 127-ші орыннан көрінген Қазақстандық футболшылар бұл айда 4 саты төмендеп, 131 орынға тұрақтады.

ФИФА рейтингінің алғашқы ондығында өзгеріс жоқ.

2016 жылы Францияда өтетін Еуропа чемпионатының іріктеу турниріндегі қарсыластарымыз – Нидерланд 4-ші, Түркия 32-ші, Чехия 35-ші, Исландия 46-шы, Латвия 100-ші орынға жайғасқан.