Жаңалықтарды Telegram арнамыздан оқыңыз!Microsoft корпорациясы биыл жыл аяғына қарай құны 19 еуро тұратын жаңа «Nokia 130» ұялы телефонын шығаратынын жариялады. Бағасы арзан болғанмен ол түрлі-түсті 1,8 дюймдік дисплеймен, видео және музыка ойнатқышпен, радиоқабылдағышпен жабдықталған. Оның үстіне жад сыйымдылығы 32 гигабайтты құрайтын microSD картасы салынады. Телефонның бір және екі симкалы түрлері болады. Бұл телефонның басты ерекшелігі - оның қуат сақтағыш қасиетінде. Шығарушылардың айтуынша, оны қуат көзіне қоспай 46 сағат музыка тыңдауға болатын көрінеді.
