Жаңалықтарды Telegram арнамыздан оқыңыз!Биыл Өскемен қаласында мемлекеттік бағдарламамен ауданы 107 мың шаршы метрді құрайтын 12 көпқабатты тұрғын үй жоспарға сәйкес қолданысқа берілмек, деп хабарлайды Altaynews.kz.
Бұған қоса бүгінгі күні қалада құрылысы жүріп жатқан және кеңейту жұмыстары қолға алынған 145 нысан бар. Олардың ішінде 8-і - ірі сауда үйі және үшеуі - қонақүй.
Қалалық Экономика және бюджеттік жоспарлау бөлімінің басшысы Арман Ысқақовтың айтуынша, барлық меншік иелері есебінен осыған дейін 26,4 мың шаршы метр тұрғын үй қолданысқа берілген. Бұл өткен жылмен салыстырғанда әлдеқайда жоғары.
2004 жылдың төртінші тоқсанында алғашқы лекпен 72 пәтердің кілті табысталса, жыл соңына дейін 10-нан астам көпқабатты үйге тұрғындар қоныстанатын болады.
