Жаңалықтарды Telegram арнамыздан оқыңыз!Алматы маңында Ұлттық спорт түрлерінен жасөспірімдер арасында өтіп жатқан ҚР ІІІ чемпионатында теңге ілу мен аударыспақ ойындарының нәтижелері белгілі болды, деп хабарлайды ҚазАқпарат.
Теңге ілуден Ақтөбе облысының командасы 1 орынды жеңіп алды. Екінші орында Оңтүстік Қазақстан облысы, ал 3 үшінші орын Шығыс Қазақстан облысының командасына бұйырды.
Бүгін аударыспақтан да сайыстар аяқталды. Сонымен, 40 келілік салмақ бойынша 1 орынды - Шығыс Қазақстан облысының командасы жеңіп алды, 2 орында - Оңтүстік Қазақстан облысы, ал 3 орында – Ақмола облысы.
Естеріңізге сала кетейік, ҚР Спорт және дене шынықтыру істері агенттігінің қолдауымен ұйымдастырылып жатқан бұл біріншілік Үшқоңыр кенті маңындағы «Қазанат» атшабар алаңында өтуде.
