Ұлттық музейде Орталық Азия халықтарының жәдігерлер көрмесі өтуде

Қазақстан Республикасының Ұлттық музейінде «Орталық Азия мен Кавказдағы дәстүрлі тоқыма өнері - Ұлы Жібек жолының мұрасы»  атты көрме өтуде.

Келушілер назарына Санкт-Петербургтегі Ресей этнографиялық музейінің  400-ден астам жәдігері ұсынылды.

Олардың арасынан  Орталық Азия мен Кавказ халықтарының дәстүрлі мәдениетіндегі құрал-саймандар мен станоктар, киім-кешектер, үй бұйымдары, мата үлгілері,  Ислам дініне қатысты бұйымдар мен ескерткіштерді табуға болады.

«Орталық Азия мен Кавказдағы дәстүрлі тоқыма өнері - Ұлы Жібек жолының мұрасы»  атты көрме - Қазақстан мен Ресейдің екі ірі музейінің алғашқы бірлескен жобасы.