Жаңалықтарды Telegram арнамыздан оқыңыз!Қытайда қазақстандық бидайға сұраныс артып отыр. Бұл туралы Президент жанындағы Орталық коммуникациялар қызметінде өткен баспасөз мәслихатында «ҚазАгро» басқармасы төрағасының орынбасары Қайрат Айтуғанов мәлімдеді.
Оның айтуынша, Қазақстан ҚХР-ға экспортталатын бидай көлемін ұлғайтуға ниетті.
«Қытай нарығына талдама жасалды. Қытайлық тұтынушылардың біздің өнімнің сапасына көз жеткізгеннен кейін қазақстандық бидайға сұранысы артып отыр. Сондықтан, көрші елге экспортталатын бидай өнімінің көлемі ұлғайтылмақ»,- деді басқарма төрағасының орынбасары.
Бүгінгі күні қытайлық тараппен 120 тонна астық экспорттау туралы келісімге қол қойылды.
Сондай-ақ, Қайрат Айтуғанов екі ел арасындағы тасымал кедергілерін жою үшін «ҚазАгро» Қазақстан мен Қытай шекарасында бидай терминалдарын салуда инвесторларға қолдау көрсетуге дайын екенін жеткізді.
kapital.kz
