Жаңалықтарды Telegram арнамыздан оқыңыз!Бүгін Қазақстан Республикасы Президентінің Кубогы IV халықаралық турнирінің БАҚ өкілдеріне арналған баспасөз жиыны өтті.
Баспасөз мәслихатына ҚР Президенті Кубогының супервайзері Валерий Рачков, бокстан ҚР Мемлекеттік жаттықтырушысы Болат Әбдірахманов, Қазақстан Ұлттық құрамасының бас бапкері Мырзағали Айтжанов және Ресей құрамасының бас бапкері Александр Лебзяк қатысты.
Жиын барысында Президент Кубогында жеңімпаз атанған әр салмақтағы боксшыға сыйақы ретінде 4 000 АҚШ доллары табыс етілетіндігі айтылды.
Ал жеңімпаз атанған әр боксшының бапкеріне 2000 доллардан беріледі. «Президент кубогында» екінші орынға ие болған боксшылар 2000 доллардан, ал үшінші орынды иеленгендер 1000 доллардан сыйақы алады.
