Ресейлік радио Қазақстан Президенті туралы хабар дайындады

30 маусымнан бастап, «Ресей Радиосының» эфирінен Қазақстан Президенті туралы «Нұрсұлтан Назарбаев. Өмірбаян» атты радиохабар беріле  бастады.

Бұл - «Қазақстан» РТРК» АҚ мен «Ресей Радиосының» бірлескен жобасы. Радиокомпозиция 25 бөлімнен тұрады.  

Қаламгер-публицист Махмұд Қасымбековтің «Нұрсұлтан Назарбаев. Өмірбаян» атты кітабының негізінде дайындалған хабар ресейлік радиодан дүйсенбі мен жұма аралығында Мәскеу уақыты бойынша 18.30-да беріледі.

Мәтінді оқыған - Кеңес одағының Халық әртісі Василий Лановой.

Айта кетейік, бұған дейін 2012 жылы Қазақ радиосы мен «Ресей Радиосы» Нұрсұлтан Назарбаевтың «Ой бөлістім халқыммен» кітабы бойынша 12 бөлімнен тұратын радиохабар дайындаған болатын.