Жаңалықтарды Telegram арнамыздан оқыңыз!
Түркі дүниесінің рухани әлемін таныстыратын «Түркі әлемі» атты жаңа телеарна іске қосылды. Қазақ және түрік тілдерінде хабар тарататын бұл арна тәулік бойы жұмыс істейді, деп хабарлайды ҚазАқпарат.
Онда түркі халықтарының тарихы, мәдениеті, өнері, әуені, яғни мәдени және рухани мұралары туралы хабарлар беріледі. Сондай-ақ, Қазақстанның туризм саласының әлеуетін паш ететін материалдар көрсетіледі. Телеарнаның ғаламтордағы мекенжайы - www.turkalemitv.com.
Айта кетейік, телеарнаның ұйымдастырушысы - Түркі халықтарының мәдени қоры. Олардың күшімен шыққан «Түркі әлемі» халықаралық газетінің жарық көріп келе жатқанына биыл 15 жыл толып отыр.
Басылым қазақ, түрік және орыс тілдерінде шығады.
