Алтайда төтенше жағдай жарияланды

31.05.2014
Алтайда төтенше жағдай жарияланды
Хакасия және Алтай Республикасы мен Алтай аймағында нөсер жауын салдарынан су деңгейінің көтерілуіне байланысты төтенше жағдай жарияланды. Бұл туралы Ресей төтенше жағдайлар министрлігінің басшысы Владимир Пучков хабарлады.
 
Министрдің сөзінше, тасқын Якутия және Амур облыстарына да тарауы мүмкін. Қауіпсіздік шаралары Тува және Бурят жерінде де жүргізілуде.
 
Мыңдаған адам Алтай өңірі, Алтай, Хакасия және Тува республикаларында тасқын аумағында қалып отыр.
 
Сібір ТЖМ аймақтық орталығының хабарлауынша, қазіргі таңда 4 мың тұрғын үй нөсер салдарынан су астында қалған. 7,6 мың адам қауіпсіз жерге көшірілді.

Хабарламаларға жазылу