Басты Жаңалықтар Қазақстан – әлемдік бәсекеге белсенді қатысуда

Қазақстан – әлемдік бәсекеге белсенді қатысуда

24.05.2014 07:00

«BBC World News» коммерциялық өкілдігінің басшысы - Сергей Становкин.

-Бұл форумның ел беделін арттырудағы рөлі қандай?

-Қазақстан сияқты артықшылықтары басым ел мүмкіндіктері мен жетістіктерін дүйім жұртшылыққа паш етуі тиіс. Форумға жиналған делегаттар Қазақстанмен экономика саласындағы ынтымақтастық орнату мүмкіндіктерін қарастырады. Бұл тек Қазақстан үшін ғана маңызды шара емес, бүкіл Еуразия аймағына пайдасын тигізетін ауқымды басқосу, деп білемін.

Елдің жағымды имиджін қалыптастыру, жалпы тартымдылығын арттыру тұрғысынан келгенде де рөлі айрықша. Кейбір елдер инвесторлар өздері келеді деп сенеді. Тартымды ету үшін еш әрекет жасамайды. Шын мәнісінде, инвестор шақырса ғана келеді. Ол үшін кез келген мемлекет инвесторларды қуана қабылдайтынын жасырмай артықшылықтарын жария етуден тартынбауы тиіс.

Сонда ғана сырттан тартылушылар көбейеді. Қазіргі заман қаласақ та, қаламасақ та бәсекеге негізделген. Біз жобалар үшін, инвестициялар үшін, керек десеңіз, дарындар үшін бәсекеге түсеміз. Қазақстан – бұл әлемдік бәсекеге белсенді қатысуда. Және Астана экономикалық форумы бұған өз септігін тигізуде.

Диана АХМЕТЖАН

Бөлісу