Жаңалықтарды Telegram арнамыздан оқыңыз!Алматы облысында Астана күніне орай ет комбинаты іске қосылды. Сарыөзек ауылында орналасқан кәсіпорын бір ауысымда 5 тонна ет, 1,5 тонна шұжық өндіре алады.
Комбинат 20 адамды еңбекпен қамтып, Кербұлақ ауданындағы шаруашылықтардың ет өнімдерін заман талабына сай тексерістен өткізіп, ішкі және сыртқы нарыққа ұсынуға мүмкіндік береді.
Кәсіпорын Елбасының 5 институционалдық реформасында ет өндірісі мен өңдеуді дамыту бағытында ашылып отыр. Өндіріс орны толық қуатына көшкенде ет экспортының әлеуетін арттыруға үлесін қоспақ.
Қуаныш ҚАНАТҰЛЫ
