Жанар Айтжанова: ДСҰ-ға мүше болу елiмiзге келетiн инвестициялардың көлемiн арттырады

Бұл Экономикалық интеграция істері жөніндегі министр Жанар Айтжанованың пікірі. 161 мемлекетпен байланыс орнатып, дамыған елдермен бәсекеге қабілетті қарым-қатынаста болу үшін Қазақстан барлық мүмкіндікті қолданады.

Нақтырақ айтсақ өнеркәсiп саласында импорттық баж салығына жеңiлдiк, қосымша құн салығын төлемеу жеңiлдiктері 2017 жылдың 1 қаңтарына дейін жалғасады.

Ал, одан кейін бұл қолдаулар инвестициялық заң шеңберінде көрсетіледі. Дәлірек айтсақ инвестиция арқылы түзілген өндіріс орындарына беріледі.

Ескеретін жайт аталған жеңілдіктер ұйым ережелеріне сай жүргізіледі. Ал, мемлекет тарапынан көрсетілген көмек нәтижесінде Қазақстандық кәсіпорындар мен өнеркәсіптер еңселерін көтеріп, үлкен нарықты еркін еңсереді.

Сәкен СЕЙІТХАНҰЛЫ