Алматыда Халықаралық балаларды қорғау мерекесін 2 күн қатарынан тойлайды (КЕСТЕ)

Жаңалықтарды Telegram арнамыздан оқыңыз!

Алматылықтар Халықаралық балаларды қорғау күнін 2 күн қатарынан тойлайды. Дәстүр бойынша, мерекелік шара сағат 08.30-да Орталық мәдениет және демалыс саябағынан басталады, деп хабарлайды Алматы қаласы әкімдігінің баспасөз қызметі.

Саябақтың орталық кіреберісінде бүлдіршіндерді ертегі әлеміндегі кейіпкерлер – Ер Төстік, Кенжекей, Динь Динь перісі, Гарри Поттер, Белоснежка және Кунг Фу Панда, Ниндзя тасбақалары, Америка капитаны, ертегі кейіпкерлері қарсы алады. Мерекелік думанның салтанатты бөлімі сағат 09.00-де шаһар басшысы Ахметжан Есімовтің құттықтау сөзімен басталады.

Бағдарламаға сәйкес, сұрақ-жауап сайыстары, хореографиялық топтардың қойылымдары мен балалар «Жұлдызды фабрикасы» және басқа да ойын-сауық шаралар ұйымдастырылуда. Сондай-ақ, «Қазпошта» ұсынған әуеге көтерілетін шармен балақайлар көкке көтеріліп, қаланы тамашалауға мүмкіндік алады.

Аттракцион сағат 9.00-ден 12.00-ге дейін бүлдіршіндерге қызмет етпек. Мемлекеттің ерекше қамқорлығын қажетсінетін балаларға аса назар аударылады.

Ал 2-маусымда мүгедек балалар, қиын өмір жағдайындағы балаларға, көпбалалы отбасы балаларына, жетім балаларға Қазақ мемлекеттік циркінде Ж.Елебеков атындағы Республикалық эстрадалық-цирк колледжінің түлектері өз қайырымдылық концертін қояды.

Сонымен қатар, әр ауданда мерекелік бағдарламалар ұйымдастырылады. Балақайларды тегін балмұздақтар мен тәттілер, сусындар мен аттракциондар күтеді.

Қала бойынша мерекелік шаралардың кестесі

Іс-шаралар	Күні	Орны
Халықаралық балаларды қорғау күні – жалпықалалық мереке	1 маусым	Орталық мәдениет және демалыс саябағында 09.00-ден 13.00-ге дейін
«Бозторғай» балалар шығармашылығы Халықаралық фестивалінің гала-концерті	1 маусым	Орталық мәдениет және демалыс саябағында 10.00-ден 15.00 дейін (жазғы эстрада)
«Red Bull F1 Show Run Kazakhstan»спорттық іс-шарасы	1 маусым	Республика алаңы 15.00 -ден 17.00 дейін
Халықаралық балаларды қорғау күніне арналған концерттік бағдарлама	1 маусым	«Алмалы» СО 18.00 -ден 20.00 дейін
«Алтын балапан» қазақ тіліндегі балалар спектаклі	1 маусым	Мемлекеттік қуыршақ театры 11.00
«Орыс халық ертегілері» спектаклі	1 маусым	Мемлекеттік қуыршақ театры 12.30, 15.00
Мүсірепов атындағы жастар театрының алаңы Концерттік бағдарлама	1 маусым	Алмалы ауданы Қазақ-Неміс университетімен бірігуімен, 16.00-20.00
«Глобус» СОСО концерттік бағдарлама	1 маусым	Алмалы ауданы «Kazakh Development International» ЖШС бірігіп, 15.00-18.00
Алматы қаласының Ипподромы алаңында балаларға арналған тегін ойын-сауықтармен қоса концерттік бағдарлама ұйымдастырылады	1 маусым	Жетісу ауданы, 11.00-ден 13.00 дейін
«Халық» стадионында балаларға арналған тегін ойын-сауықтармен қоса концерттік бағдарлама ұйымдастырылады	1 маусым	Алатау ауданы, 10.00-нан 14.00 дейін
№6 мектеп үйінде: концерттік бағдарлама, флэш-моб, спорттық сайыстар ұйымдастырылып, тегін балмұздақ беріледі	1 маусым	Түрксіб ауданы, 10.00-нан 15.00 дейін
«Ғажайыптар әлемі» саябағында концерттік бағдарлама, тегін балмұздақ таратылады, Бостандық ауданының балалары үшін аттракцион тегін	1 маусым	Бостандық ауданы, 10.00-ден 22.00 дейін
1 маусым – балаларды қорғау күніне арналған Медеу ауданы балалар шығармашылық ұжымының қатысуымен мерекелік концерт (байқаулар, ойындар, викториналар)	1 маусым	Медеу ауданы, 28гвардияшыл- панфиловшылар саябағы сағ. 10.00 бастап
«Тамаша сөре» девизімен Алматы қ. балабақша тәрбиеленушілерінің арасында велосипедпен және самокатпен серуендеудің дәстүрлі турнирі	1 маусым	Медеу ауданы, ОМжДП аллеясы сағ. 11.00 бастап
1 маусым – балаларды қорғау күніне арналған Әуезов ауданы балалар шығармашылық ұжымының қатысуымен мерекелік концерт (байқаулар, ойындар, викториналар)	1 маусым	Әуезов ауданы, «Отбасы» саябағы сағ.11.00 бастап
«Жануарлар балалардың көзімен» акциясы. Мұрат Мұтырғановпен бірге сурет саламыз	1 маусым	Алматы хайуанаттар паркі, 11.00 -ден 13.00 дейін
Қайырымдылық цирк көрсетілімі	2 маусым	ҚазМемЦиркі, сағ.13.00

«Red Bul Show Run» – іс-шарасының өткізілуіне байланысты, көлік қозғалысы тоқтатылады.

31 мамыр, сағат 18:00 бастап, Сәтпаев, Желтоқсан, Фурманов және Достық даңғылында, 1-маусымда жоғарыда аталған көшелерде сағат 14:00-ден 17:00-ге дейін Сәтпаев, Фурманов көшесінде көлік қозғалысы тоқтатылады.