«Махаббат шайыры» - Қыздар ордасында

13.03.2014
«Махаббат шайыры» - Қыздар ордасында
12 наурыз күні Қазақ мемлекеттік қыздар педагогикалық университетінде қазақ поэзиясының дамуына үлесін қосып жүрген ақын, сазгер, драматург Исрайыл Сапарбайдың шығармашылығына арналған «Махаббат мәңгі ертегі» атты кездесу кеші болып өтті.
 
Кездесу шымылдығы ақын өмірі мен шығармашылығы жөніндегі деректі бейнебаянмен түрілді. Арнайы көктем мерекесі қарсаңында ұйымдастырылған кеште ақынның өлеңдеріне жазылған әндер шырқалып, халық арасына кеңінен танымал сазгер әндерінен попурри  орындалды.
 
Шараға Ербол Құдайбергенов, Есет Сәдуақасов, Сымбат Мұңатай, Ұлбосын Белғозиева  сынды әншілер өнер көрсетті.
 
Кездесуге қатысушылар танымал ақынның қолтаңбасын алып, «101 түн» жыр жинағын және оның өз өлеңдері топтастырылған үн таспасын алып, риза көңілмен тарқасты.

Хабарламаларға жазылу