Алматыда 14 әуе рейсі уақытша тоқтатылды

05.03.2014
Алматыда 14 әуе рейсі уақытша тоқтатылды
Алматыда ауа райының қолайсыздығы салдарынан 14 әуе рейсі уақытша тоқтатылды, деп хабарлайды «Эйр Астана» компаниясының баспасөз қызметі.
 
«Тұман салдарынан Алматыда «Эйр Астана» компаниясының бірқатар рейсі тоқтатылуы немесе мүлде ұшырылмауы мүмкін. Қазір ұшақтардың ұшуына мүмкіндігінше  шара жасалуда», делінген компания сайтында.
 
Алматыдан Абу-Даби, Шымкент, Дели, Қызылорда, Душанбе, Павлодар және Астана бағытындағы рейстер шегерілген. Осыған байланысты Алматыға бағытталған рейстер де тоқтатылатын болады. Сондай-ақ, Астанадан ұшып шыққан ұшақ қалың тұман салдарынан Алматы әуежайына қона алмай, Қарағандының қосымша әуежайына қонуына тура келген.
 
Алматы әуежайында сонымен қатар, SCAT әуе компаниясының Семей және Қарағанды бағытындағы екі рейсі, Прага бағытындағы «Czech Airlines» ұшағы, Лондон бағытындағы «British Airlines», Стамбул бағытындағы «Turkish Airlines» және Абу-Дабиге бағытталған «Etihad» бортының рейстері шегерілген.

Хабарламаларға жазылу