Жаңалықтарды Telegram арнамыздан оқыңыз!Google-дың Ресейдегі бөлімшесі дудл құрастыру бойынша мектеп оқушылары арасында байқау жариялайды. Компанияның сараптамалық тобы үздік деп таныған сурет іздеу жүйесінің орысша бетіндегі ресми логотиптің орнына қолданылып отырады.
Сараптамалық топтың құрамына мерекелік логотип құрастырумен айналысатын Google компаниясының қызметкерлері кіреді. Топ жетекшісі - америкалық иллюстрациялаушы София Фостер-Димино.
София Фостер-Диминоның айтуынша, ең алғашқы дудл компания қызметкерлерінің жұмыста болмайтындығы туралы хабарлама ретінде шыққан.
«Қазір олар тек арнайы мерекелер мен атаулы күндерге ғана байланысты ауысып отырады. Компанияда тек қана дудл жасаумен айналысатын 15 адам бар. Біз жылына Google-дың барлық елдегі бөлімшелеріне 200-ден астам дудл дайындаймыз», - дейді ол.
