Жаңалықтарды Telegram арнамыздан оқыңыз!Бүгін түнде 02:25-те Астана қаласы Қ. Сәтбаев көшесіндегі (бұрынғы Мирзоян) 17 қабатты көппәтерлі тұрғын үйдің («Нұр Отау» тұрғын үй кешені) төменгі қабатында орналасқан «Демалыс» моншасынан өрт шықты. Бұл туралы ҚР Төтенше жағдайлар министрлігі ақпараттық орталығынан хабарлады.
Өрт 1,5 сағаттың ішінде сөндірілді. Тілсіз жауды ауыздықтауға төтенше жағдайлар департаментінің 10 шақты техникасы мен 40-тан адам өрт сөндіруші жұмылдырылды. 10 шаршы метр жер отқа оранды. Қауіпсіз жерге көшірілген 120 адамның 15-і балалар. Бәрі де дін аман.
