2020 жылдан бастап медициналық қызметтердің қолжетімділігі артады - «Qazaqstan» Ұлттық телеарнасы

2020 жылдан бастап медициналық қызметтердің қолжетімділігі артады

13.06.2019

2020 жылдан бастап медициналық қызметтердің сапасы да, қолжетімділігі де арта түседі. Әлеуметтік медициналық сақтандыру - соның кепілі. Жаңа жүйе шеңберінде құны қымбат емдеу шараларына белгілі бір көлемде жеңілдіктер қарастырылады. Сондай-ақ, оған тегін медициналық көмектің кепілдік берілген көлемін қосыңыз.

 

Әуелі кепілдендірілген медициналық көмек жөнінде. Бюджеттен бұған жылына 1 трлн.тг бөлінеді. Жедел жәрдем, санитарлық авиация, созылмалы ауруларды бақылау, стационарлық ем. Бәрі де тегін.

 

Айбатыр Жұмағұлов, «Әлеуметтік медициналық сақтандыру қоры» басқарма төрағасы:

Туберкулезге шалдыққандар медициналық оңалтудан өтіп, зәру азаматтарға паллиативтік көмек көрсетіледі. Жұқпалы емес аурулардың негізгі түрлері мен қоршаған ортаға қауіп төндіретін жұқпалы аурулар да тегін емделеді.

 

Екінші көмек – міндетті әлеуметтік-медициналық сақтандыру. Оған қымбат операциялар, сирек медициналық қызмет, салалық мамандардың қабылдауы сияқты мүмкіндіктер кіреді.

 

Айбатыр Жұмағұлов, «Әлеуметтік медициналық сақтандыру қоры» Басқарма төрағасы:

Сақтандыру пакетіне табысы орташа азаматтардың қалтасы көтере бермейтін МРТ, компьютерлік томография, ПЦР-анализ сынды қызметтер де енгізіледі. Сондай-ақ, жарна төлеген азамат кепілдендірілген тегін көмек пакетіне енбеген сырқатқа шалдықса, стационарды алмастыратын көмек пен жоспарлы стационарлық көмекті де осы МӘМС пакеті шеңберінде ала алады.

 

Бүгінде ел азаматтары ем-домына жұмсалатын қаражаттың 40%-ын қалтасынан төлейді. Ал жаңа жүйеде сол шығындардың белгілі бөлігі сақтандыру арқылы толық жабылады.

 

Нысаналы ЫҒЫЛ

Хабарламаларға жазылу