Атыраудағы облыстық ауруханада тұңғыш рет ми қантамырына операция жасалды - «Qazaqstan» Ұлттық телеарнасы

Атыраудағы облыстық ауруханада тұңғыш рет ми қантамырына операция жасалды

20.02.2019

Аса күрделі операцияны алматылық нейрохирург Мыңжылқы Бердіқожаев жүргізді. 2,5 мыңнан астам адамды аман алып қалған білікті дәрігер әріптестеріне шеберлік сағатын өткізіп, таңдаулы әдіс-тәсілдерімен бөлісті.

Катетер құрылғысы арқылы жасалған операцияның ерекшелігі сол - артық қан кету болмайды. Әрі науқас тез оңалады. Бүгінде көмекке жүгінген тұрғынның жағдайы жақсы. Мамандардың айтуынша, 100 мың адамның жеті-сегізі ғана осындай емге зәру болуы мүмкін. Алдағы уақытта мұндай жауапты операцияны өңір дәрігерлері өздері жасайды.

Сайын Шомыров, облыстық аурухананың директоры:

- Бұл Атырау облыстық ауруханасында бірінші рет жасалып отырған операция болғандықтан, Мыңжылқы Сайлауұлын әдейілеп шақырдық. Алдағы уақытта осындай операцияларды өзіміз жасаймыз.

Жандос ТЕМІРҒАЛИ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.

Хабарламаларға жазылу