Қостанай облысында онкологияға қарсы онкүндік басталды

Қостанай облысында қатерлі ісіктің алдын алуға бағытталған онкүндік басталды. Тұрғындар онкологиялық емханаға келіп, тегін тексерістен өте алады. Мұндай шара бүкіләлемдік обыр ауруына қарсы күрес күніне орайластырылды. Елімізде 150 мыңнан астам адам осы дертке шалдыққан. Ауру соңғы жылдары  жастар арасында көп кездесуде. Дегенмен, ауру мен өлім-жітім деңгейін төмендетуге бағытталған шаралар нәтижесіз емес. Облыс бойынша 2016 жылы 839 адам, ал былтыр 813 адам осы сырқаттан көз жұмған.  

Данияр СҰЛТАНҰЛЫ