Скринингтік тексеруден өту - көптеген аурулардың алдын алуға мүкіндік береді

Былтыр еліміз бойынша 2 миллионнан астам адам скринингтен өткен.

Қатерлі ісіктің алдын алу үшін аса маңызды скринингке көпшілік мән бермейді. Денсаулық саласы мамандары емханаға осы медициналық тексерістен өту үшін келетіндердің қатары аз екенін айтады.

Мәселен, былтыр осы шараның арқасында қатерлі ісіктің белгілері табылған 36 мың науқастың 95 пайызының дерті алғашқы сатысында анықталған. Бұл ауыр кеселге шалдыққан адамның өмірін мейлінше ұзартуға септігін тигізеді, дейді дәрігерлер.

Былтыр ел бойынша 2 миллионнан астам адам скринингтен өткен. Үкімет ол үшін 4 жарым миллиард теңге бөлген. Бойынан қатерлі ісік табылғандар да тегін емделіп жатыр. Мұндай қамқорлық кейбір дамыған мемлекеттердің өзінде жоқ. Өкініштісі, сол жобаға халықтың қатысу белсенділігі төмен.

Сәуле АЛДАМҰРАТҚЫЗЫ