Жаңалықтарды Telegram арнамыздан оқыңыз!Индустриалды инновациялық даму бағдарламасы – ел экономикасын өрге сүйрейтін негізгі бағыт. Аталған бағдарламаға бір ғана Ақтөбе облысынан 83 жоба енген. Олардың 74-і қарқынды жұмыс істеп тұр. Ал, екінші бесжылдықта құны 600 миллиард теңге болатын 36 жоба іске асырылмақшы.
Өндіріс орындарын өркендету бағытында аймақта ауқымды жұмыстар қолға алынған. Жылына 1000 тонна өнім шығаратын макарон комбинаты маусым айында қолданысқа берілмек. Биыл 800-ге жуық тұрғын жаңа жұмыс орнымен қамтылады.
Ақтөбе қаласының жанында орналасқан өндірістік аймақтың құрылысын аяқтау міндеті де осы жылдың еншісінде. Сала басшылығы ұйымдастырған жиында өңірде жүзеге асатын өзге де ауқымды жобалар жөнінде айтылды.
Жақсыбек КЕМАЛ
