Қазақстан дәрігерлері шетелдік мамандардың қатысуынсыз күрделі ота жасады

27.06.2014
Қазақстан дәрігерлері шетелдік мамандардың қатысуынсыз күрделі ота жасады
Елімізде бірінші рет қаза болған адамның бауыры шетелдік мамандарсыз ауыстырылды.
 
Бауыр трансплантациясы - ең күрделі операция. Осы кезге дейін бауырға мұқтаж жандарға тірі донор, яғни, науқастардың туған-туыстары өз бауырының бір бөлігін беріп келді. Ал, қаза болған адамның бауырын алған кезде, оны тек шетелдік дәрігерлер  жүзеге асырған еді.
 
Естеріңізге салайық, осыдан екі апта бұрын  ми өлімі расталған 40 жастағы жігіт  4 адамға өмір сыйлаған еді.
 
Жүрегі 32 жастағы жігітке, бүйрегі кезекте тұрған екі науқасқа салынды. Ал, бауыры Орал қаласының тұрғыны Бақтылы Ибрашеваның өмірін ұзартты. Науқасқа қаза болған адамның бауырын өзіміздің дәрігерлер салды.
 
Ауыр операцияны басынан өткерген науқас қазір өзін жақсы сезінеді.
 
Бақтылы Ибрашева, Орал қаласының тұрғыны:
Донор табыла қалды. Мен күтіп жүрген соң келістім.
 
Сәуле АЛДАМҰРАТҚЫЗЫ

Хабарламаларға жазылу