Елімізде әрбір төртінші отбасында бедеулік cырқаты кездеседі - «Qazaqstan» Ұлттық телеарнасы

Елімізде әрбір төртінші отбасында бедеулік cырқаты кездеседі

03.06.2014
Елімізде әрбір төртінші отбасында бедеулік cырқаты кездеседі
Елімізде әрбір төртінші отбасында бедеулік сырқаты кездеседі. Тіпті соңғы кездері бұл көрсеткіш артып келеді. Сондықтан сырқаттың алдын алу шараларын қабылдау керек.
 
Мамандар бұл мәселелерді Астанада басталған «Қосалқы репродуктивті технологиялар және адамның иммун тапшылығы вирусы өзекті мәселелері» атты халықаралық конференцияда талқылап жатыр.  
 
Елімізде 20 мың адам ВИЧ-ке яғни, иммун тапшылығы вирусына шалдыққан. Ол дертпен ауыратын адам өзінің жолдасына жұқтырмау үшін түрлі жолдармен сақтанады. Бұл оларды балалы болу мүмкіндігінен айырады.
 
Отандық дәрігерлер бұл мәселені шетелдік мамандардың тәжірибесіне сүйене отырып шешпек. Яғни, қолдан ұрықтандыруды арнайы ереже бойынша жүзеге асырмақ. Сондай-ақ суррогатты ана, яғни біреуге бала сыйлау мәселесін де заңдастыру жайы талқыланбақ.
 
Салтанат Байқошқарова, Адам ұрпағын өрбіту институтының директоры:
Суррогатты ана мәселесі. Жалғыз басты аналар бар. Азаматтық неке көбейіп бара жатыр. Ана болуға денсаулығы көтермейді.  Аналар басқа адамның көмегін пайдаланып, бала қызығын көруге құқылы.
 
 
Сәуле АЛДАМҰРАТҚЫЗЫ

Хабарламаларға жазылу