Алматы облысында күннің суытуына байланысты мектептерде сабақ кестесі өзгерді - «Qazaqstan» Ұлттық телеарнасы

Алматы облысында күннің суытуына байланысты мектептерде сабақ кестесі өзгерді

24.01.2018

Күннің қатты суытуына байланысты Алматы облысы мен Талдықорған қаласында да оқу кестесіне өзгерту еңгізілді. Жалпы, Жетісу өңірінде мектептерде cабақты жаппай  бірнеше күнге тоқтату соңғы 10-15 жылда болмаған жағдай. Бірқатар аудандарда сабақ барлық сыныптарда тоқтатылса, кейбір мектептерде 1-4 сынып оқушылары мектепке бармады. Облыс орталығының 24 мектеп пен 64 мектепке дейінгі білім беру  мекемесінде кезекшілік күшейтілді.  

Ләйлә Атағозина, М.Жұмабаев атындағы орта мектеп директорының орынбасары:

- 5-11 сынып оқушыларының ішінде өте алыс тұратын, саяжайларда тұратын оқушылар сабақтан босатылды. Екінші кезектегі оқушыларының 5-6-сабақтары тоқтатылып, ерте қайтуын қарастырып жатырмыз. Мұғалімдер тарапынан, ата-аналар тарапынан болсын ең бастысы, баланың денсаулығы мен қауіпсіздігі. 

 

Қуаныш ҚАНАТҰЛЫ

Хабарламаларға жазылу