Жаңалықтарды Telegram арнамыздан оқыңыз!Астанадағы «Орталықтандырылған кітапханалар жүйесі» жаңа кітаптармен толықты. 2002 жылдан бері жұмыс істеп келе жатқан Мұхтар Әуезов атындағы шағын кітапхана күрделі жөндеуден өтіп, оның көлемі де артты.
Бұрын қордағы рухани қазынаның саны 90 мың болса, қазір ол 150 мыңға жеткен. Және ол кезде бөлім саны бар болғаны үшеу-ақ еді. Бүгінде 8-ге жетті.
Орталықта өлкетану, өнер, диссертациялық авторефераттар, шетел және балалар әдебиеті, мерзімді басылымдар, кітап сақтау бөлімі, абонемент, оқу залдары бар.
Бұрындары ғалымдар кітаптарын өздерімен бірге әкеліп жұмыс істейтін болса, енді олар керекті ғылыми жазбаларын осыннан-ақ таба алады.
Сәуле АЛДАМҰРАТҚЫЗЫ
