Жаңалықтарды Telegram арнамыздан оқыңыз!Жастардың өз мамандығы бойынша жұмысқа тұру мәселесі бүгін Үкімет отырысында қаралды.
Бұдан былай жоғары оқу орындарының студенттері 2-ші курстан бастап міндетті түрде өндірістік тәжірибеден өтеді.
Бұл туралы Білім және ғылым вице-министрі Такир Балықбаев мәлімдеді.
Сондай-ақ мектеп бітіріп, оқу оқымай жүрген жастардың мәселесі де назардан тыс қалмайды.
Такир Балықбаев, Білім және ғылым вице-министрі:
Бүгінгі таңда 11-ші сынып түлектерінің 25-30 мыңы жоғары оқу орнымен де, колледжбен де қамтылмаған. Сондықтан Елбасының тапсырмасы бойынша мұндай балаларға кепілденген алғашқы техникалық білім беріледі. Бұл жоспар 2019 жылдан бастап толық игеріледі.
Индира БЕГАЙДАР
